"सहयात्री जापान" समुह द्वारा काभ्रेका भुकम्प पिडितहरुलाई करिब एक लाख बाउन्न हजार रुपैयाँ बराबरको राहत सामग्री वितरण

बैशाख १२ गते नेपालमा आएको विनासकारी महाभूकम्पले हामी नेपालीहरुलाई कहिलै बिर्सन नसक्ने गरि पिडा दिएको छ उक्त महाभूकम्प बाट नेपालीहरुले ठुलो मात्रमा जन धनको नोक्सानी बेहोर्नु पर्यो भने हजारौ परिवारलाई घरबार बिहिन बनायो I 

प्राकृतिक बिपत्तिमा भत्केका संरचनाहरुको पुन निर्माण गर्नु दुखेका घाउहरुलाई मलम पट्टि गर्नु र पिडितहरुको ओठमा फेरि मुस्कान ल्याउनु हामी सब नेपालीको दायित्व र कर्तब्य हो I 

नेपाल बाहेकका अन्य राष्ट्रहरुका व्यक्तिहरुले मानवताको हिसाबले धेरै सहयोग गरिरहेका छन् भने हामी त झन् नेपाली,एक नेपालीलाई दुख पर्दा अर्को नेपालीले आफुले सक्ने सहयोग गर्नै पर्ने हुन्छ र गरिरहेका पनि छन् र अझै गर्ने क्रम जारी पनि छ र  यसै क्रममा जापानमा रहेका "सहयात्री जापान" समुहले पनि महाभूकम्पमा परेका पिडित हरुलाई थोरै भए पनि सहयोग गरेको छ I 

यस सहयात्री जापान समुहले काभ्रेको सारस्युङ्खर्क वडा नम्बर ९ मा रहेको ५० घर धुरीलाई करिब १,९७,२९७¥ (उन्नाइस मान सात हजार दुई सय सन्तानब्बे येन) जापानी येन अर्थात् नेपाली रुपैया करिब १,५२,४२७ (एक लाख बाउन्न हजार चार सय सत्ताईस रुपैया)बराबरको राहत सामग्री गत सोमबार वितरण गरेको छ I 

राहत बितरणमा बाईरोलिङ्ग मोनेस्ट्री तीनचुली र फ्रिडम क्याम्पिङ् फ्रेन्ड्सका मित्रहरुले स्वयम् सेवकको भूमिका निर्वाह गर्नुभएको थियो I काभ्रेका अत्यधिक भुकम्प प्रभावित क्षेत्र मध्ये एक उक्त वडाको पचास धुरीको प्रतेक घरपरिवारलाई १ बोरा चामल (२५ किलो),२ किलो दाल, २ किलो चिनी,१ कार्टुन चाउ चाउ, १ किलो नुन, १ पोका तेल, एक प्याक बिस्कुट, ५  किलो चिउरा, एक प्याकेट चियापति,साबुन एक डल्लो,प्रतेक व्यक्तिलाई एउटा एउटा कोकाकोला र साना बालबालिका हरुलाई चकलेट वितरण गरेको थियो I 

सहयात्री जापान समुहले राहत वितरणका लागि पठाएका रकम को बिवरण :

एक दिन करिब साढे २ घण्टा कावासाकी ट्रेन स्टेसन अगाडी बसेर 64297¥ (छ मान चार हजार दुई सय सन्तानब्बे येन) संकलन गर्न सफल भएको थियो भने सहयात्री जापनको आफ्नै कोर्स बाट ५०००० जापानी येन (५ मान) र अन्य रकम चै सहयात्री जापानका सदस्यहरु बाट चन्दा  स्वरुप उठाइएको थियो I 

राहत वितरणका लागि रकम सहयोग गर्नुहुने सदस्यहरुको नामावली :-

Manoj Nepali Gurung/Minnie Chyan-10000¥

Prabin Hirachan/Sarbina Lalchan -10000¥

Som Thakali Nepali - 10000¥

Hawa Ka Jhoka/Pratiksya Hirachan-8000¥

Shivu Tulachan/Punam Tulachan- 5000¥

Tenji Phurba/Sonam Minkyi-5000¥

Kuisang Lama/Bhumo Taktse Tsang-5000¥

Raymus Grg/Maya Grg - 5000¥

Praveen Hirachan/Meww Rat-5000¥ 

Arun Thakali - 5000¥

Amar Syangne Thakali - 5000¥

Nitesh Tulachan - 5000¥

Narendra Thakali - 5000¥

Note:-सहयोग गर्नुहुने सम्पूर्ण सदस्यहरुको नाम फेसबुक अकाउन्टमा प्रयोग गरिएको युजर नेम उल्लेख गरिएको छ I 

नेपालमा भुकम्प पिडितहरुको लागि बलिवुड र हलिवुड सेलिब्रेटीहरुको सहयोग

 

बिपत्तिमा परेका बेला सधै ठूलो सहयोग जरुरी पर्दैन् । कहिलेकाहीं मायाका दुई शब्दले पनि मानिसलाई ठूलो राहत महसुस हुन्छ । बलिउड कलाकारहरुले पनि नेपालमा परेको यो बिपत्तिप्रति आ-आफ्नो ठाउँबाट साथ दिने कोसिस गरेका छन् ।

बलिउडकी कान्छी स्टार आलिया भट्टले त यतिबेला सहयोग रकम संकलन अभियान नै थालेकी छिन् । उनले एक लाख भारतीय रुपैयाँ जम्मा गर्ने उद्देश्यसहित सामाजिक संजालमा सहयोग रकम संकलन अभियान थालेकी थिइन्, तर एकै दिन उनले अपेक्षा गरेभन्दा धेरै उठ्यो ।

बलिउड अभिनेता अमिताभ बच्चन र अक्षय कुमारले पनि सहयोगका लागि अग्रसरता देखाएका छन् । अमिताभले ट्वीट गर्दै आफूले सहयोग गर्न चाहेको तर सहयोग रकम जम्मा गर्ने आधिकारिक ठेगाना थाहा नभएको भन्दै सहयोग मागेका छन् ।

अक्षय कुमारले आफ्नो नयाँ फिल्मको पहिलो दिनको कमाई नेपालाई सहयोग गर्ने भन्ने भनाई सत्य नभएको भन्दै यस्तो पवित्र कार्यमा सहयोग गर्न फिल्म रिलिज कुर्नु नपर्ने बताएका छन् ।

आफू निर्माता नभएकाले फिल्मको कमाई दिने निर्णय आफूमा निहित नभएको भन्दै उनले आफू नेपाललाई सहयोग गर्न अग्रसर रहेको बताएका छन् ।

यस्तै प्रियंका चोपडाले नेपालका भूकम्पका तस्वीर हेरेर स्तब्ध भएको भन्दै सहयोगका लागि अपिल गरेकी छिन् ।

बलिउड अभिनेता बरुण धवनले प्रत्येक भूकम्प पीडित वालवालिकालाई आर्थिक सहयोग गर्ने प्रतिबद्धता जनाएका छन् ।

हलिउड अभिनेत्री एवं गायिका सेलेना गोमेजले भूकम्प पीडित नेपाली वालवालिकालाई सहयोग गर्न आग्रह गरेकी छिन् । राष्ट्रसंघीय नियोग युनिसेफको कार्यमा हातेमालो गर्न उनले अपिल गरेकी छिन् ।

गत वर्ष उनी नेपाल आएकी थिईन् । नेपालगञ्ज र दाङ घुमेकी सेलेना वालवालिकाको क्षेत्रमा काम गर्दै आएकी छिन् ।