बार्षिक रुपमा अध्ययन गर्दै आएको उक्त संस्थाले विभिन्न देशका जीवन शैलीलाई आधार मानेर यो तथ्य सार्वजनिक गरेको हो । ९ बर्ष अघिबाट सुरु गरिएको बर्गीकरणमा टोकियो पहिलोपटक एक नम्वरमा परेको बेलायती पत्रिका मोनोकललाई उदृत गर्दे जापान टाइम्सले जनाएको छ ।
गत बर्ष मोनोकलको टोकियो दोस्रो नम्वरमा रहेको जनाएको थियो ।
अध्ययनमा टोकियोले शान्त र शान्तिपूर्वक रहन मिल्ने शहर भएका कारण बढि नंम्वर पाएको थियो । जापानका अन्य शहरहरु फुकोका र क्योतो बस्न योग्य शहरका २५ भित्र परेका छन् ।
त्यस्तै गतबर्ष बस्नकोलागि उत्कृष्ठ देशहरुको सूचीको १० भित्र परेका हिलसिन्कि, म्युनिख तथा ज्युरिचको जीवन शैलीमा आएको परिवर्तन शहरको अवस्था आदिका कारण बस्न योग्यबाट तल झरेका छन् । मोनकेलले शहरको अवस्था सर्वेक्षणको लागि २२नयाँ मापदण्ड बनाएको थियो । जस अनुसार तीन बेडरुम सहितको घरको मूल्य, एक कप कफीको लागत, रक्सी र सभ्य भोजको आयोजनालगायतलाई आधार बनाएको थियो । त्यस्तै पहिलेका मापदण्डहरु अपराध दर , स्वास्थ्य पूर्वाधार, शैक्षिक तथा पर्यावरणीय अवस्था लगायत पनि समावेश गरिएको बिहिबार जारी विज्ञप्तिमा भनिएको छ ।
पत्रिकाले आफूहरुले कुनै पनि शहरको स्वतन्त्रता, धैर्य, जीवन बाच्नुको आनन्द र त्यस ठाँउको महत्वका कारण त्यस्ता शहरलाई महत्व दिएको जनाएको छ । हरेक बर्ष जीवनको सर्भेको नतिजा जुलाई अगष्टमा जारी गर्ने गरिएको छ ।
No comments:
Post a Comment