बिश्वकप फुटबल फाईनलको पूर्व सन्ध्यामा साकिराले धुम मच्चाईन

   

विश्वकप फुटबल २०१४ को फाइनल खेल सकिने पूर्वसन्ध्यामा ब्राजिलको रियो दि जेनिरीयोमा रहेको माराकान रंगशाला संगीतमय भयो । चर्चित कोलम्बियन गायिका साकिराले सिङ्गो रंगशाला गुञ्जायमान पारिन ।

विश्वकप फुटबलकै लागि भनेर तयार पारेको ‘ला ला ला’ बोलको गीतका साथमा साकिराले अघिल्लो विश्वकपमा पनि ‘वाका वाका’ बोलको गीतले विश्व गुञ्जाएकी थिइन । वार्सिलोनामा अनुबन्धित भएका स्पेनिश डिफेन्डर जेरार्ड पिक्केकी प्रेमिका समेत रहेकी साकिरा फुटबलकी क्रेजी हुन् ।

आइतबार राती फाइनल खेल सुरु हुनु करिब आधाघण्टा अघिदेखि नै माराकाना परिसरमा साकिरा लगायतको टिमले संगतमय बनाएको थियो । साकिराका साथमा मेक्सिकन गिटारिष्ट सान्टाना, ब्राजिलका ग्रामी अवार्ड गायक लभेट सांग्लो साथै साम्बा नृत्यले हजारौं दर्शकले मनोरञ्जन लिएका थिए । फाइनल खेलकै अवसरमा विभिन्न रमाइला खेलहरु पनि देखाइयो । ब्राजिलको संस्कृती झल्काउने नृत्यहरु पनि  प्रस्तुत गरिएको थियो ।