ब्राजिलले फाईनलमा २५ हजार सुरक्षाकर्मी परिचालन गरिने

    विश्वकपको फाइनलका लागि ब्राजिलमा २५ हजारभन्दा बढी सुरक्षाकर्मी परिचालन गरिने भएको छ। ब्राजिलको इतिहासमा कुनै पनि गतिविधि हुँदा परिचालन गरिएको यो सबैभन्दा बढी सुरक्षाकर्मीको संख्या हो। विश्वकपको फाइनल खेल हुने रियो दे जेनेरियोका सुरक्षा सचिव जोसे मारियानो बेल्ट्रान्सले फाइनल खेलका क्रममा कम्तीमा १० हजार सेना पनि परिचालन गरिने भएको छ।

'हामीले फाइनललाई ध्यानमा राखी ब्राजिलको इतिहासमै सबैभन्दा बढी सुरक्षाकर्मी परिचालन गर्न लागेका छौं', उनले भने। अर्जेन्टिना र जर्मनीबीच हुने विश्वकपको फाइनल खेल हेर्न करिब ७५ हजार दर्शक रंगशालामा उपस्थित हुने अनुमान गरिएको छ। विश्वकपको समापन समारोह पनि हुने भएकाले रंगशालामा विभिन्न राष्ट्रका विशिष्ट पाहुनाको पनि उपस्थिति रहनेछ। -एजेन्सी

- See more at: http://annapurnapost.com/en/news/WorldCup2014/10330/%E0%A4%AC%E0%A5%8D%E0%A4%B0%E0%A4%BE%E0%A4%9C%E0%A4%BF%E0%A4%B2%E0%A4%95%E0%A5%8B-%E0%A4%87%E0%A4%A4%E0%A4%BF%E0%A4%B9%E0%A4%BE%E0%A4%B8%E0%A4%AE%E0%A5%88-%E0%A4%B8%E0%A4%B0%E0%A5%8D%E0%A4%B5%E0%A4%BE%E0%A4%A7%E0%A4%BF%E0%A4%95-%E0%A4%B8%E0%A5%81%E0%A4%B0%E0%A4%95%E0%A5%8D%E0%A4%B7%E0%A4%BE%E0%A4%95%E0%A4%B0%E0%A5%8D%E0%A4%AE%E0%A5%80.htm#sthash.afZs50C7.dpuf