उनले रायो भालेकानोविरुद्द खेलको दोस्रो हाफको ५६ औं, ६३ औं र ६८ औं मिनेटमा गोल गर्दै सर्वाधिक छिटो ह्याट्रिकको कीर्तिमान बनाएका हुन् ।
आइतबार साँझ बार्सिलोनाको जीतमा ह्याट्रिक गरेका मेसीले स्पेनिस ला लिगामा सर्वाधिक २४ ह्याट्रिकको नयाँ कीर्तिमान बनाएका हुन् । उनले रियल मड्रिडका क्रिस्टियानो रोनाल्डोलार्इ पछि पार्दै ला लिगामा सर्वाधिक ह्याट्रिकको रेकर्ड बनाए । रोनाल्डोले हालसम्म ला लिगामा २३ ह्याट्रिक लगाएका छन् ।
बार्सिलोनाको घरेलु मैदान क्याम्प नोउमा भएको यो खेलमा मेस्सीले दोस्रो हाफको ११ मिनेटभित्र ह्याट्रिक पूरा गरेका हुन् । यो खेलमा लुइस स्वारेजले २ र जेर्राड पिकेले १ गोल गरे । यो सँगै मेस्सीले सबै प्रतिस्पर्धामा बार्सिलोनाका लागि ३२ ह्याट्रिक लगाइसकेका छन् ।
उनले स्पेनिस ला लिगामा २४, च्याम्पियन्स लिगमा ५, स्पेनिस कपमा २ र स्पेनिस सुपर कपमा १ एक ह्याट्रिक गरिसकेका छन् ।
मेसीपछि सबै प्रतिस्पर्धामा स्पेनिस क्लब एथ्लेटिक बिल्बओका लागि तेल्मो जाराले यसअघि ३१ ह्याट्रिक गरेको रेकर्ड थियो । उनीपछि अल्फ्रेडो डि स्टेफनोले २८ ह्याट्रिक र क्रिस्टियानो रोनाल्डोले २७ ह्याट्रिक लगाइसकेका छन् ।
बार्साको यो जितसँगै स्पेनिस लिगको तालिकाको शीर्ष स्थानमा उक्लेको छ । उसको ६२ अंक भएको छ भने रियल मड्रिड भने एथ्लेटिको बिल्बाओसँगको शनिबारको खेलमा हारेपछि ६१ अंकका दोस्रो स्थानमा धकेलिएको छ। -
No comments:
Post a Comment