यस वर्षको युरोपियन सुपर कप फुटबल प्रतियोगिताको उपाधि बार्सिलोनाले जितेको छ

यस वर्षको युरोपियन सुपर कप फुटबल प्रतियोगिताको उपाधि बार्सिलोनाले जितेको छ ।

गत सिजनको युएफा च्याम्पियन्स लिग विजेता बार्सिलोना र युरोपा लिग विजेता सेभियाबीचको यो भिडन्तमा बार्सिलोना ५–४ ले विजयी भयो ।

खेलको निर्धारित ९० मिनेटसम्म दुबैतर्फबाट ४–४ गोल भएपछि खेल अतिरिक्त समयमा पुगेको थियो । अतिरिक्तसमयमा बार्सिलोनाका पेड्रोले निर्णायक गोल गर्दै टोलीलाई सिजनको सुरुआती उपाधि दिलाएका हुन् ।

यसअघि, निर्धारित समयमा बार्सिलोनाका लागि लियोनल मेसीले दुई गोल गरेका थिए भने राफिन्हा र लुइस सुवारेजले एक–एक गोल गरेका थिए । तर, सेभियाका बानेगा, रेयेज, गामेरियो र कोनाप्लिङ्काले एक–एक गोल गर्दै खेललाई अतिरिक्त समयमा पुर्याएका हुन् । अतिरिक्त समयमा बार्सिलोनाले बाजी मारेको हो ।

जितसँगै बार्सिलोनाले सर्वाधिक ५ पटक युएफा सुपर कप जित्ने इटालियन क्लब एसी मिलानको कीर्तिमानसँग बराबरी गरेको छ । -  

imagekhabar.com