फिल्मीखबर बर्ष व्यक्तिमा नायिका प्रियंका कार्की र आठ बर्षीय सौगात बिष्ट सम्मानित

     

स्थापनाको पाचौं बर्ष पुरा गरि छैठौ बर्षमा प्रवेश गरेको ‘फिल्मीखबर साप्ताहिक’ले आफ्नो बाषिर्कोत्सव मनाएको छ । काठमाण्डौमा एक कार्यर्क्रमको आयोजना गर्दै यो साप्ताहिक पत्रिकाको जन्मदिन मनाइएको हो । - 

फिल्मीखबर बर्ष व्यक्ति (पुरुष र महिला)’ पनि घोषणा गर्दै सम्मान प्रदान गरियो । ‘बर्ष व्यक्ति पुरुष’का रुपमा ७ बर्ष ३४० दिनको उमेरमा चलचित्र निर्देशन गरेर ‘गिनिज बुक अफ द वल्र्ड रेकर्ड’मा नाम लेखाउन सफल सौगात बिष्टलाई सम्मानित गरियो ।

यस्तै, ‘बर्ष व्यक्ति महिला’तर्फ भने नायिका प्रियंका कार्कीलाई सम्मानित गरियो । पत्रिकाका सम्पादक शान्तिप्रियले सौगातले यती सानो उमेरमै यस्तो रेकर्ड बनाएर नेपाल र नेपालीको नाम राखेको भन्दै  सम्मान गरिएको बताए । 

यस्तै, प्रियंका कार्की बर्ष २०७१ मा स्क्यान्डल, गसिपका साथै सर्वाधिक धेरै चलचित्रमा अभिनय गर्ने नायिका भएकाले सम्मानित गरिएको बताए । उनले अहिलेको समयमा साप्ताहिक पत्रिका प्रकाशन गर्नु आफैमा चुनौती भएपनि आफूहरु सफल भएको बताए ।