जापानमा सुनामी बाट हुने क्षतिलाई कम गर्नको निम्ति अग्लो पर्खाल निर्माण गर्ने

    जापानको उत्तरपूर्वी तटीय क्षेत्रमा अग्लो सुनामी छाल आएको चार वर्षपछि यस मुलुकले करिब पाँच तल्ले भवनको उचाइ भएको करिब ४०० किलोमिटरको सिमेन्टको सामुद्रिक पर्खाल निर्माणमा आफ्नो ध्यान केन्द्रित गरेको छ । 

 

आठ सय २० अर्ब एन ९६।८ अर्ब अमेरिकी डलर० को लागतमा तयार हुने यस परियोजनाका विरोधीहरूले भने यो व्यापक कङ्क्रिट पर्खालले सामुद्रिक पर्यावरण तथा स्थलगत सुन्दरतामा क्षति पु¥याउने, आधारभूत माछापालनमा बाधा उत्पन्न गर्ने तथा यहाँका प्राय बासिन्दा माथिल्लो भागमा बसाइ सराइ गर्ने तयारीमा रहेकाले उनीहरूलाई संरक्षण गर्ने कुरामा खासै फाइदा नहुने बताएका छन् । 

 

यस परियोजनाका समर्थकले यो पर्खाल आवश्यक रहेको र यसले कम्तीमा केही समयका लागि रोजगारी उपलब्ध गराउने बताएका छन् । उत्तरी माछाव्यवसाययुक्त ओसाबेका काजुतोसी माुसासीले १२।५ मिटर ९४१ फिट० अग्लो पर्खालले समुद्रको दृष्य छेकिदिने बताए । 

 

यस्तो सार्वजिनक निर्माण सत्ताधारी लिबरल डेमोक्र्याटिक पार्टी तथा उसका समर्थकका लागि प्रमुख रणनीतिक परियोजना हो ।  विशेषज्ञहरूले यस परियोजनाले सुनामीले पार्ने प्रभाव कम बनाए पनि यसले जटिलता उत्पन्न गराउने बताएका छन् । सन् २०११ मा आएको सुनामीको समयमा भाग्नका लागि दिइएको चेतावनीलाई ध्यान नदिँदा १८ हजार ५०० व्यक्तिको मृत्युभएको थियो । 

 

नौ रेक्टर स्केलको भूकम्पका कारण आएको सुनामीका कारण सेन्दाइको आधा भाग डुबेको थियो । 

 

वर्षौ अगाडि इवानुमाको तटीय क्षेत्रमा भूक्षय रोक्न बनाइएको २४ फिट अग्लो पर्खाल तथा तटमा लहरै रोपिएका देवदारका रुखले उक्त छाललाई मत्थर बनाउन त सकेका थिए तर त्यहाँका तटभित्रका पाँच किलोमिटरसम्म बाढी आएको थियो । सुनामीको समयमा विमानस्थलका छत तथा ठूला घरको छतमा रहेका यात्री तथा कर्मचारीले गाडी, भवन, विमान बगेको देखेका थिए । 

 

यस नगरले भत्केका पर्खालको मर्मत त गरेको छ तर पर्खाल बढाउने योजना बनाएको छैन । पूर्व प्रधानमन्त्री मोरिहिरो होसोकावाले मानव निर्मित पर्खालपछि विभिन्न रुख रोपी हरित पर्खाल बनाउने योजना बनाएका थिए ।  

 

इवानुमाका पूर्व मेयर त्सुनिकी इगुचीले सामुद्रिक तटमा ठूलो पर्खाल लगाउनुभन्दा सबैजनालाई तत्कालै त्यहाँबाट अन्यत्र लैजाने उपाय गर्नु उचित हुने बताए ।  संयुक्त राष्ट्र सङ्घका विपत्ति जोखिम न्यूनीकरण कार्यालयका प्रमुख मार्गरेता वाल्सट्रमले विकासशील मुलुकमा आधारभूत संरचनाको अभावमा निकै ठूलो क्षति भए पनि यस्तो सुरक्षा व्यवस्थामा भरपर्ने कुराले समुदायलाई असावधान बनाउने बताए ।  

 

सन् २०११ मा सुनामी जाँदा स्टिलनिर्माता नगर कामाइसीमा १००० भन्दा बढी व्यक्तिको मृत्यु भएको थियो । तर सिभिल इन्जिनियरिङका प्राध्यापक तोसिताका कातादाले दिएको तालमिका कारण भने प्रायः विद्यालयका विद्यार्थीलाई तत्कालै सुरक्षित स्थल लगिएको थियो ।