स्पेनी क्लब भ्यालेन्सियाका खेलाडीले नेपाली भूकम्प पीडितको लागि आर्थिक सहयोग संकलन गर्ने उद्देश्यले आइतबार सेल्टा भिगोविरुद्धको खेलमा नेपाली अक्षरमा नाम लेखिएको जर्सी लगाएर खेले ।
भ्यालेन्सियाको आधिकारीक वेवसाइटमा उल्लेख गरिए अनुसार ती जर्सी लिलामीमा राखिनेछ । लिलामीबाट उठेको रकम अन्तर्राष्ट्रिय रेडक्रसमार्फत नेपालमा पठाइने क्लबले जनाएको छ ।
ला लिगाको चौथो स्थानमा रहेको क्लब भ्यालेन्सियाले सेल्टा भिगोसँग बराबरी खेल्यो । खेलमा भ्यालेन्सियाको लागि निकोलास ओतामेन्दी र सेल्टा भिगोको लागि पाब्लो हर्नान्डेजले गोल गरे ।
यसअघि, इबरसँग भएको खेलको टिकट बिक्रीबाट प्राप्त रकमको २ प्रतिशत रकम यूनिसेफमार्फत नेपाली भूकम्प पीडितको लागि खर्च गर्न उपलब्ध गराउने भ्यालेन्सियाले बताएको थियो ।
No comments:
Post a Comment